Ungerrich in Kölle und drömeröm

Home Auf Deutsch

Ungerrich in Kölle und drömeröm

Ungerrich Lebenslauf

Home

v4

 

Singe mäht Feez!

Fast all vun uns singe av un zo en paar Tön em Jöckemobil, op Fier, oder sujar … unger d’r Braus, wann de leevste Plaat (hück CD) läuf.

Dräumst do manchmol dovun allein op d’r Bühn ze sin?

Es et dann vertrack, singe ze liere?

Wilkommen bei Gesangsunterrich in Kölle und Drömeröm!

…….Oder…Wilkommen bei Gesangsunterricht in Köln und Umgebung!

RICHTIG singen lernen!

 

Zick Johre arbeide ich met Sängere un Sängerinne zesamme, op un hingger d’r Bühn. Dat Ziel es allemol et selve: Dat Publikum ze enspireere un sich selver jlöcklich ze maache. Dat jeiht ävver leider nit ohn Technik. Dann Singe es en ärch spezifisch Kuns un Sänger sin huh spezialisierte „Leistungssportler“.

Dürch ming Usbildung als Opernsänger un ming persönlich Erfahrung op d’r Bühn han ich all möglich Geföhle erfahre künne un ben en ungerschiedlich Situatione gewäs. Dat hät mich dozo jebraht, ming Pädagogikwesse un -künne ze bereichere un en unkonventionell Aat vun Gesangsungerrich ze entwickele – en Aat vun Gesangsungerrich, dä et däm Sänger oder d’r Sängerin möglich mäht, sich vun selvs ze entwickele un sich letzendlich op d’r Bühn frei ze interpretiere.

Nevve minger Karjär op d’r Bühn als Opernsänger hatt ich dat Dusel, ahn verschiedene Zeichetrickfilme, Flimmerkissserie un Dokumentations-Synchronisatione met ze maache, suwie en verschiedene Konzerte mit ungerschiedlichem Programm opzetredde, unger anderem Musical, Jazz, Pop un Rock. Dat hät mir de Möglicheit jejevve, för ungerschiedlich Publikum ze singe un mich met vill Musikstile ze beschäftije.

Nöhdäm ich op ville Bühne en Europa jesunge han, möch ich all de Erfahrunge un Schleche met

üch en Colonia un drömeröm deile! No weiß ich, dat ze d’r Aufjab vun enem Gesangliehrkraff nit nor

dä Gesangsungerrich, villmieh och de Beratung jehööt, die et üch möglich mäht, em richtije Momang de richtije professionelle Entscheidung ze treffe.

Ich offereere Gesangsungerrich för :

– erfahre un unerfahre Sänger un Sängerinne för Klassik, Pop, Rock, Jazz, Soul, Funk oder Punkgesang – Bands us alle Stilrichtunge Pop, Rock, Jazz, Funk, Soul, Punk, Metal

– Chör un Ensembles met ungerschiedlich Repertoire (Klassik, Gospel, un esu wigger).