Lebenslauf

tenoros_(5)

Ich woodt en Athen en Griechenland jebore un han ming musikalisch Reis allt met 6 Johr anjefange. Do han ich minge eeschte Klaveerungerreech kräjje. Met nüng wood ich ahn minge eeschte Musikschull aanjemeld un noh mingem Stemmbroch han ich minge eeschte Gesangsungerreech jenomme.

Jlichzick met mingem Musikstudium han ich an vill Meisterkurse (met unger anderem Fr. Marcella Crudeli, Häre Prof. Antonio Konstantino un Nikolai Petrov, Dirigent Giorgos Hatzinikos, Birgit Nickl un Dimitra Theodossiou), die all ming Studium kumpletteerte, teiljenomme.

Ming vill Studienjohr han ich met Klavierdiplom, Gesangsdiplom, Diplom en Theorie un Harmonie d’r Musik un enem Musikpädagogikdiplom avjeschlosse.

Allt en d’r Studienzick moht ich bei vill Opernopföhrunge am Nationaltheater Griechenland en Athen met. Em Johr 2004 fing ming Karjär als Opernsänger ahn un ich kunt do als Nemorino en G. Donizettis „ Elisir d ’ amore“ lossläge. Wiggere Engagements brohte mich ahn de Bühne vun d’r Staatsoper Thessaloniki, en de Oper „ Megaron Athen”, en de Kammeroper Athen un de Pänzoper Athen, noh Liverpool un Preston en England, ahn dat Staatstheater Kassel, de Wuppertaler Bühne un dat Landestheater Detmold, wo ich unger anderem Tamino (W. A. Mozart, « De Hexemächfleute»), Froh (R. Wagner, « Rheingold»), Cavaradossi (G. Puccini, « Tosca»), Krunprinz Jörres (F. Lehár, « Schön es de Welt»), Hans (L. Jessel, « Schwatzwaldpuut»), Iro (C. Monteverdi, « Il ritorno d ‘ Ulisse en patria»), jesunge han. Italien, Holland, England, Polen, Griechenland sin nor en paar vun d’r Länder, en dene ich de Gelägeheit hatt, och met Opere- un Operettekonzerte opzetredde.

2004 han ich minge baase Zeichetrickfilm („ Barbie als : De Prinzessin un dat Dorfpuut “) synchronisiert. Zickdäm han ich als Synchronsänger un -sprecher för Zeichetrickfilme, Flimmerkissserie un Dokumentarfilme jeplack. Ming Stemm kann mer ( op griechisch ) unger anderem en dä Filme Happy Feet, Nightmare Before Christmas, Meet the Robinsons, The Little Mermaid un Lorax hüre!

2013 han ich zosamme met däm Regisseur Tasos Mpaglatzis ming ehschtes Theaterstück jeschrivve. „Gymni Alithia “ ( nackelisch Wohrheit ) es en politisch Monolog dä vun d’r Kris en Griechenland verzallt un wor letztes Johr en Theatern en Athen ze sinn. Dat Publikum hät uns Stöck met vill Leeve anjenomme. Et wor esu erfolgrich, dat et üvver fünnef Mond lang jespillt wood. Mer hatte sujar Anfroog us USA un Tschechien, dat Stöck dort ze vertone.

Ich wor als Opernsänger un Synchronsänger för Musical-Musik am arbeide, do kome allemolde widder Sängerkollege op mich zo met d’r Bitt öm Kumferenz en Froge vun d’r Gesangstechnik. Esu es en mir „dä Majister wach jewoode “ un ich ben jlöcklich, de Freiheit un Lier wiggerjevve ze künne, die ich dürch dä Berof kräjje han. Enzwesche sin unger minge Schüler professionell Solosänger ävver och Amateure, die einfach Freud am Singe han un die ich jään ungerrichte, ävver och Chör, die sich endweder för a Workshop-Wocheengk ov allemol widder im Mond Ungerreech entschidde han.